إدكـــــو الـثـانــوية بنـــين
أهلا وسهلا بك زائرناالكريم حللت أهلا ونزلت سهلا ندعوك للتسجيل معنا فى منتدانا وأسعدالله اوقاتك
وإن كنت عضوا معنا فسارع بالدخول
إدارة المنتدى


مذكرات تعليمية -برامج - كمبيوتر وانتر نت - إسلاميات- ترفيه وتسلية- صور
 
الرئيسيةبوابتى الخاصةس .و .جالتسجيلبحـث دخول دخول

شاطر | 
 

  ازاى تبقى رذل مع صحبك

اذهب الى الأسفل 
كاتب الموضوعرسالة
Eleanor
عضو نشيط
عضو نشيط
avatar

عدد المساهمات : 273
السٌّمعَة : 1
تاريخ التسجيل : 05/02/2010
العمر : 24
الإقامة : Egypt

مُساهمةموضوع: ازاى تبقى رذل مع صحبك    الإثنين أغسطس 09, 2010 11:16 am




ازاى تبقى رذل مع صحبك


لو خارج مع صحبك مشوار أو بتروحوا حتة معينة كلية أو أى حاجة
أتصل بيه قوله إوعى تنزل غير لما أفوت عليك وطبعا هو مش هيشوف وشك

يرن عليك نفض يتصل بيك نفض سيبه لحد مايطق وينزل لوحده
طبعا أنت عارف الأوقات اللى بينام فيها ولو من النوع اللى
بينام بعد الكلية كلمه على تليفون البيت
وقول للى يرد عليك يصحوه ضرورى وهما احتمال كبير مش
هيكونوا سايبلنه عدة تليفون فى أوضته
عشان طبعا ميقعدش يحب بيه طول الليل فا هيضطر يمشى لحد الصالة
أقعد أرغى معاه ورذل عليه
واحد هيقولى طب أرذل عليه ازاى طب خلاص متزعلش أعلمك يعنى مثلا
تقوله خبر يزعله جدا

حاجة حلوة تصدمة كده وتخليه بدل ماكان عايز ينام عينيه هتطلع من مكانها
وفى الاخر قوله بهزر

المهم أفضل أستفزه لحد ماتطير النوم من عينه
لو صحبك بيتكلم فى التليفون حاطط السماعة على

ودن وأستلم أنت بقى الودن التانية الفاضية
خليه يحس إنه واقف فى مولد مش عارف الكلام جى منين بالظبط

دبس صحبك فى كل حاجة مثلا فى مواصلات أو فى كافيه أو فى سينما
أدخل سنترال إتكلم وقوله معاك فكة أصل معييش
غير مجمد قال يعنى معاك ورقة بمليون جنيه

أو قوله نسيت المحفظة فى البيت أو الفلوس ضاعت
ولا إتسرقت أو متخانق مع باباك ومدكش فلوس

خليه مش فاضل غير بعد كده ياخد مصروف ليه وليك

لو صحبك رايح أى مشوار هيقابل حبيبته مثلا وقالك لو حد
من بيتنا أتصل بيك قوله إحنا بنذاكر

وأول ما حد يتصل قولهم لا والله هو تحت مش
عندى وقوله يعنى أنت عايزنى أكدب

قال يعنى الإيمان مقطع بعضه وصادق فى كله جت على دى

لو لسه مخلصين إمتحانات الشهر فى المدرسة أو إمتحانات الميد تيرم
فى الكلية ودرجات صحبك وحشة

قوله أنا لازم أجى أذاكر معاك النهارده وطبعا هتشوف باباه ولا مامته
وهيسألوك عن المذاكرة وكده

قولها والله إحنا بنذاكر بس مش عارف هو جاب درجات وحشة
وسيحله بقى خليهم يستلموه
ويكبسوا على نفسه طول السنة

ياسلام لو اتأخرتوا 5 دقايق كده عن المحاضرة والدكتور قال
مش مدخل حد بعدى وطردكوا

يبقى لازم تروح بيته وتشتكى لباباه ومامته وتعمل برئ ومظلوم
دانتوا يادوب اتأخرتوا خمس قايق بس
هتخليهم يخلوه يروح يفتح الكلية بنفسه من الساعة ستة الصبح
عشان ميتأخرش عن المحاضرة

خارج أنت من البيت بقى وبتستأذن باباه أو مامته بيقولوك ماتخليك
ياحبيبى تتغدى معانا قولهم شكرا

صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته
الباشا بقى فى نص هدومه وهيرد باباه ولا مامته

لا طبعا ويعمل ليه هو فاضى للحاجات دى
والأهل مش بيتفاهموا فى حكاية الدراسة دى بالذات
يعنى أقلبها نكد على صحبك قبل ماتمشى

خد موبايل صحبك من غير مايحس وخبيه وخليه يفتكر إن الموبايل ضاع
ولا إتسرق لحد مايجيب آخره
لو هو مفتح شوية وواخد باله يبقى على نفسه برضه قوله

ورينى الموبايل بتاعك كده وفى وسط القعدة
استأذن مثلا هتجيب حاجة ولا هتعمل حاجة وخده وروح وخليه يدوخ عليك
فى المكان ويتصل بيك مليون مرة
لحد مايجى ياخده منك من البيت وياسلام لو مفاتيح عربيته

يبقى يجى بتاكسى ويرجع بتاكسى بعدين يبقى يروح بعربيته
امال هو يعنى يركب عربية وسواقين التاكسى ياكلوا عيش منين

لو شوفته واقف مع واحدة طب عليه زى القضى المستعجل
وخده بالحضن ودخل نفسك فى الكلام وخلاص
ولو فاكر موقف محرج كده عن صاحبك ده مفيش مانع تقوله

قدامها يعنى مثلا لو صحبك ده حاول
قبل كده يتكلم مع بنت وأحرجته قوله يا أخى كل ما أشوفك
واقف مع بنت زى دلوقتى كده
أفتكر البنت اللى قالتلك لم نفسك ياروح أمك طبعا
هو هيبقى واقف بيقول يا أرض إتشقى وأبلعينى

وما شاء الله عليك كده هتبقى بتحطه فى موقف أرذل من التانى
وهيبقى ربنا يصبره وممكن يدخل الجنة بسبب عمايلك دى




الرجوع الى أعلى الصفحة اذهب الى الأسفل
Mostafa
المدير العام
المدير العام
avatar

عدد المساهمات : 699
السٌّمعَة : 1
تاريخ التسجيل : 11/01/2010
العمر : 52
الإقامة : Egypt

مُساهمةموضوع: رد: ازاى تبقى رذل مع صحبك    الإثنين أغسطس 09, 2010 1:59 pm

وحشتنا مواضيع الرزالة فينك من زمان
المفروض ان نلقبك بالعضو تخصص مواضيع الرزالة
شكرا لك على المساهمات
الرجوع الى أعلى الصفحة اذهب الى الأسفل
noranabdo
المراقب العام
المراقب العام
avatar

عدد المساهمات : 604
السٌّمعَة : 3
تاريخ التسجيل : 26/01/2010
العمر : 38
الإقامة : Egypt

مُساهمةموضوع: رد: ازاى تبقى رذل مع صحبك    السبت أغسطس 14, 2010 2:20 pm

حرام عليك تعلمي الناس كمية الرزالة ده كفاية اللي عندهم حيجلهم تخمة من الرزالة
الرجوع الى أعلى الصفحة اذهب الى الأسفل
duke
كبار الشخصيات
كبار الشخصيات
avatar

عدد المساهمات : 587
السٌّمعَة : 1
تاريخ التسجيل : 05/02/2010
العمر : 53
الإقامة : Egypt

مُساهمةموضوع: رد: ازاى تبقى رذل مع صحبك    الثلاثاء أغسطس 17, 2010 2:58 am



الرجوع الى أعلى الصفحة اذهب الى الأسفل
 
ازاى تبقى رذل مع صحبك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
إدكـــــو الـثـانــوية بنـــين :: المنتدى العام :: الترفيه والتسلية-
انتقل الى: