Eleanor عضو نشيط
عدد المساهمات : 273 السٌّمعَة : 1 تاريخ التسجيل : 05/02/2010 العمر : 30 الإقامة : Egypt
| موضوع: وجهة نظر الإثنين فبراير 08, 2010 9:51 pm | |
| دول 20 جمله 95% من شباب مصر بيقولوها للبنات
1- حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقيه يعرف طوب الارض )
2- يااااه ياحبيبتى انا حاسس انى اعرفك من زمان (وهوا تلاقيه متلخبط بينها وبين بنت كان يعرفها قبل كده)
3- حاسس ان فيكى حاجه غريبه غير كل البنات (اكنها مثلا بتمشى على ايديها ورجليها )
4- انا حاسس ان فى شبه كبير بين افكارى و افكارك احنا اكيد مخلوقين لبعض (اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)
5 - حبيبتى انتى اول حب فى حياتى وانا حاسس انى اتولدت يوم ماقبلتك (على أساس ان والدته كانت حامل فيه 20 سنه وولدته قبل مايقابلها بيومين )
6- يااه يا حبيبتى انتى تؤمرى وانا انفذ اللى انتى عايزاه اجبهولك (فى المشمش)
7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير (طبعا فاهمين الحركات دى تلاقيه مش عاجبه اساسا)
8 - هكلم باباكى اول ماكًون نفسى (موووووووووووت يا حمااااااااااار)
9-عايز اشوفك كل يوم كل ساعه كل ثانيه (عشان اصحابه يتأكدو انها حلوه)
10 ـ حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (ففففففففف الاسطوانه المشروخه)
11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى (يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)
12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل (طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه).
13- ياحبيبتى انتى بتتكلمى فى أيه انا كل عطورى من فرنسا ( ايوه زغلل عنيها ياواد)
14- ياه لما بشوف رقمك على الموبيل قلبى بيتنفض (طبعا من الخضه انها تكون فأسته))
15- فلان قالى اديله رقمك بس انا قلتله اقتلنى قبل ماتاخد رقمها منى (ياااااه على التضحيه وهى ياعينى رقمها مع مخاليق ربنا كلهم)
16- حبيبتى عايز صورتك عشان قبل مانام اشاهد فى جمالك واحطها تحت المخده (لا وهو الصادق عشان لما يتخانقوا يهددها بيها)
17- اسف يا حبيبتى امبارح مقدرتش اكلمك كنت مشغوووول فى المذاكره (قصده معهوش فلوس او مشغول مع واحده تانيه)
18- اسف يا حبيبتى انى مقدرتش اجى فى المعاد امبارح كان عندى ظروف صعبه (معزور الولد افتكر معاد البنت التانيه اللى بقاله 3 اسابيع مأجله)
19-عارفه يا حبيبتى انا طول الليل منمتش قاعد بفكر فيكى (بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه).
20-عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش (يقصد مش بيفتح البلوك عنها الا اما تكون هيا بس الى اون لين عنده) -------------------------- ----------
. ودول عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها ---------------------------------------- 1- حبيبتى انا ماستهلكيش (هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )
2- انا بعمل كده علشانك انتى ( ايوه ماحنا عارفين باباها قالو لو ماسبتهاش هاحرمها من الميراث )
3- انا هاسيبك علشان مش عاوز اى حد يتكلم عليكى نص كلمه ( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)
4- انا مش عاوزك تزعلى مينى (يارااااجل وانت لما تسبها هاتعمل فرح وتدبح عجلين يعنى ؟! لا والنبى هاتزغرد لولولولى الواد سابنى انا فرحانه )
5- انا هاهاجر ومش عارف هارجع امتى (طب ماتخدها معاك يامعلم ولا هيا حجج وخلاص)
6- أنا مانفعش ارتبط بواحده مشيت معاها (ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )
7- انتى احسن حد عرفته فى حياتى بس مش هاينفع نكمل ( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)
8- انتى اكتر حد حبيته فى حياتى بس برده زى ماقولتلك مش هاينفع نكمل (لا تعليق)
9- حبيبتى انا اكتشفت ان مافيش مابينا حاجه متشابهه (لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)
10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا (لا ماهو واضح)
بصراحه كده مش انا اللى كاتبة الموضوع ده أنا شوفته فى جروب تانى فقلت اخد راى الشباب و البنات فيه
يعنى فى رأيكوا
ان فعلا 95 % من شباب مصر كده ولا لأ ؟
وايه أكتر جمله عجبتكوا و بتحسوا انها بتتقال فعلا كتير ؟ سواء ولاد او بنات معندهمش غير اسطوانات و يشتغلو بعض
و بعد فترة سلام سلام
هيا اثبتت لنفسها انها بتخلي الولاد يدوبوا فيها)
(و هو اثبت لنفسه انه بيعرف دي و دي و مقطع السمكة و ديلها) ودى وجهة نظرى انا والبنات من كلام الشباب وميتهياليش ان وجهة نظرنا غلط
| |
|
noranabdo المراقب العام
عدد المساهمات : 604 السٌّمعَة : 3 تاريخ التسجيل : 26/01/2010 العمر : 44 الإقامة : Egypt
| موضوع: رد: وجهة نظر الثلاثاء فبراير 16, 2010 11:17 pm | |
| | |
|
the red ghost عضو جديد
عدد المساهمات : 29 السٌّمعَة : 0 تاريخ التسجيل : 24/02/2010 العمر : 29 الإقامة : فى كل مكان
| موضوع: رد: وجهة نظر الإثنين مارس 15, 2010 12:47 am | |
| موضوع متميز وللاسف هو ده الى بيحصل فعلا ربنا يهدى الجميع | |
|
مصطفي قاقا عضو جديد
عدد المساهمات : 85 السٌّمعَة : 0 تاريخ التسجيل : 17/03/2010 العمر : 29 الإقامة : ادكو
| موضوع: رد: وجهة نظر الأربعاء أبريل 21, 2010 3:29 pm | |
| اوعى المظاهر تخدعك ولا كلمه حلوه توقعك ولا صاحب ندل يضيعك ولا عيشه مره تغيرك ولا قلب عشقته يحيرك ولا ناس حبتها تدمرك ولا غربه صعبه تكسرك ولا حبيب مخلص يخصرك ولا دمعت حزن تسهرك ولا كلمه تقولها تصغرك دى الدنيا لحظات والناس مقامات والزمن مسافات والحب كلمات وانت زى الورد ان دبل مات | |
|